Vivimos nunha sociedade cambiante, onde é necesaria unha continua adaptación dos nosos costumes e modos de vida aos cambios que a diario se nos van plantexando.

           Todo isto é sinónimo dunha sociedade viva, dinámica, aberta; que camiña con paso firme cara o futuro. Nese camiño de progreso debe de ter cabida Ordes.

           Neste senso, os servizos que se prestan dende a Administración Local deben estar adaptados aos novos tempos. Este é o propósito desta nova páxina web.

           Unha páxina funcional, estructurada, accesible, dinámica e interactiva; que pretende ser unha ferramenta útil para que a cidadanía poida coñecer de primeira man e en calquera momento toda a información relativa ao Concello de Ordes e aos servizos que dende el se prestan.

           Paulatinamente, esta nova páxina web ofrecerá a posibilidade de realizar trámites e consultas administrativas que faciliten, na medida do posible, o acceso dos veciños e veciñas á Casa do Concello.

           Finalmente dicir que é unha decidida aposta deste novo goberno achegar as novas tecnoloxías á cidadanía de Ordes.

           Anímovos a que empreguedes esta ferramenta útil de consulta para poder coñecer todas as posibilidades que un pobo hospitalario e aberto como Ordes pode ofrecer.

ORDES, SEMPRE AVANZANDO.

Un saúdo do voso alcalde,